«Допинг» және «Көкнәр» операциялары барысында Қостанай облысында 30 кг-нан астам есірткі тәркіленді.
22.08.2014
«Көкнәр» ЖАО-сын жүргізу барысында Қостанай облысы ІІД қызметкерлері есірткі қылмысының 68 фактісін, соның ішінде сату бойынша 29 факті және контрабанда бойынша 7 факті анықтады. Операцияны жүргізу кезеңінде заңсыз айналымнан 30 киллиграмнан артық түрлі есірткі заттары алынды, соның ішінде бір жарым киллограмнан астам героин, - деп Қостанай облысы ІІД Есірткі бизнесіне қарсы күрес басқармасы бөлімінің бастығы полиция подполковнигі Лев Касенко хабарлады.
Сондай ақ аумақта полицейлер «Допинг» операциясын жүргізді. Ағымдағы жылғы тамыздың 11-нен 15-не дейін есірткі құралдарының, психотроптық заттардың және прекурсорлардың заңды айналымы саласында жұмыс атқаратын 12 объект тексерілді. Іс-шараларды жүргізу нәтижесінде ҚР ҚК-нің 265 бабы бойынша (Есірткілік заттарды пайдаланудың ережелерін бұзу) 2 факті анықталды. Тексеру материалдары бойынша ҚР ҚК-нің 265 бабымен бір қылмыстық іс қозғалды.
Әкімшілік құқық бұзушылық бойынша (Лицензиялау ережелері мен үлгілерін бұзу, лицензиялау қызметіне қойылатын біліктілік талаптардың сәйкес еместігі) 4 факті анықталды.
14-ші тамызда Қостанай қ. Гвардейская көшесінде полиция қызметкерлері 37 жастағы ер адамды ұстады, қарау кезінде жалпы салмағы 1,64 граммды құрайтын 5 бумада героин табылып, тәркіленді, оны ол сату мақсатында сақтаған.
17-ші тамызда Рудный қ. Ленин көшесінде 31 жастағы ер адам ұсталды, ол ұстау барысында салмағы 1,20 граммды құрайтын героин салынған буманы жерге лақтырған.
12-ші тамызда Рудный қаласында 32 жастағы қала тұрғыны ұсталды, оның пәтерін қарау барысында жалпы салмағы 3 граммнан артық есірткілік зат героин табылды.
